Депутат Марказий банкка расмий сўров юборди

Олий Мажлис Қонунчилик палатаси депутати тижорат банкларида кредит тўловлари кечикиши билан боғлиқ амалиётлар юзасидан Марказий банкка расмий сўров йўллади.

Сўровда айрим банкларда қарздорлик кечикишидан манфаатдорлик шаклланаётгани, қўлланилаётган санкциялар эса кредитнинг ҳақиқий қийматига мутаносиб эмаслиги ҳақидаги хабарлар муҳокамаларига сабаб бўлаётгани қайд этилган.

Депутат регулятордан бу каби амалиётларга нисбатан қандай назорат чоралари кўрилаётгани ҳамда кечиктирилган кредит ва микроқарзлар бўйича пеня ва жарималарни адолатли қўллаш юзасидан қонунчиликка ўзгартиш киритиш режалари мавжуд ёки йўқлиги бўйича изоҳ беришни сўраган.

Эслатиб ўтамиз, Марказий банк жорий йил январь ойида кечиктирилган кредит тўловлари бўйича оширилган фоизлар, чегараланмаган пеня ва қўшимча жарималар қўлланилиши юзасидан тижорат банкларига огоҳлантириш жўнатган эди.

@bankmijoz