#Бизга_ёзишмоқда (@bankirmanbot)

НОГИРОНЛИК НАФАҚАСИ КЕЧИКАЁТГАНИ ҲАҚИДА

Ижтимоий нафақа олувчининг ҳуқуқлари бузилиши билан боғлиқ ҳолатни ёритишингизни сўрайман. Мен — Ўзбекистан Республикаси фуқароси, II гуруҳ ногирониман. Ижтимоий нафақани ижтимоий карта орқали оламан.

Ижтимоий ҳимоя агентлиги маълумотига кўра, менинг нафақам учун молиялаштириш 05.04.2026 й. куни амалга оширилган. Аммо бугунги кунга қадар пул картага тушмаган.

Халқ банкига мурожаат қилдим, лекин, аниқ тушунтириш беришмаяпти, кечикиш сабабини айтмаяпти, тўлов қачон тушишини маълум қилишмаяпти.

Амалда ҳаётий аҳамиятга эга бўлган ижтимоий нафақа кечиктирилмоқда. Бу эса ногиронлиги бўлган шахс сифатида менинг ҳуқуқларим тўғридан-тўғри бузилаётганини англатади.

Гап тижорат тўлови ҳақида эмас, балки яшаш учун зарур бўлган ижтимоий нафақа ҳақида кетмоқда. Сиздан қуйидагиларни сўрайман:
ушбу ҳолатга эътибор қаратишингизни имкон бўлса, муаммони ёритишингизни масъул идораларга етиб боришига кўмаклашишингизни.

Айниқса ижтимоий тўловлар ҳақида гап кетганда, бундай ҳолатлар жавобсиз қолмаслиги керак.

P.S.: Мурожаатчи билан боғланиш учун шахсий маълумотлари расмийларга тақдим этилади.

�� @bankirkundaligi ��