ABŞ Prezidenti Donald Tramp NATO-nun Baş katibi Mark Rütte ilə qapalı görüş keçirib

Bu barədə "Report" "Associated Press"ə istinadən xəbər verir.

Danışıqlar Ağ Ev rəhbərinin ölkənin NATO-dan çıxması ehtimalı barədə bəyanatları fonunda keçirilib. Əvvəllər xəbər verildiyi kimi, tərəflər Hörmüz boğazında təhlükəsiz gəmiçiliyin bərpa edilməsi məsələlərini müzakirə etməli idilər.

Daha sonra CNN-ə müsahibəsində Rütte bildirib ki, Tramp onunla söhbəti zamanı Vaşinqtonun alyans üzrə bəzi müttəfiqlərinin İrandakı əməliyyat kontekstindəki hərəkətlərindən məyus olub. O, Amerika liderinin narazılığını başa düşdüyünü qeyd edib.

@bakutvxeber