�Hakan Fidan: ABŞ İrana qoşun yeridə bilər

Bunu Türkiyənin xarici işlər naziri Hakan Fidan canlı yayımda deyib.

"Münaqişə uzanacağı təqdirdə ABŞ-nin Fars körfəzində İrana aid hansısa adaya qoşun yeritməsi barədə versiyalar gündəmdir",- Türkiyənin XİN başçısı bildirib və əlavə edib ki, İran Hörmüz boğazını bloklamaqla strateji üstünlük əldə edib.

Onun sözlərinə görə, buna cavab olaraq ABŞ-nin də İranın neft-qaz ixrac edən hansısa adasını tutması strateji həmlə ola bilər:

"Müharibə aparan tərəflər bunu təzyiq metodu və əlini güclü tutmaq üçün edirlər. Məhz buna görə, Türkiyə tərəflər arasında atəşkəsin əldə olunmasına çalışır".

@bakutvxeber