Ramazon hayiti katta bayramlarimizdan.

Nishonlashimiz sababi esa ramazon tugaganiga xursand bo'lganimizdan emas.

Mo'minlarda rahmat oyi tugashidan xafalik ko'proq bo'ladi.

Yaqinimizni chet elga kuzatgandek bo'lamiz. Ham xursandmiz. Ham xafa.

Nishonlashimiz mag'firat umididan.

Ahmad ibn Hanbal aytganlaridek – haqiqiy hayit haqiqatdan mag'firat bo'lganlarniki.

Ramazon davrida o'zgara olganlarniki.

Shu rahmat oyida orttirgan odatlarimiz, ichki holatimiz keyingi ramazongacha yetib borsin.

Umrimiz oxirigacha yetib borsin.

Omin.

Ramazonni foydali o'tkazganlarga ramazon hayiti muborak!