Қырғызстанның бұрынғы президентінің әйелі тергеуге шақырылды

Қырғызстанның бұрынғы президенті Алмазбек Атамбаевтың әйелі Раиса Атамбаева ішкі істер министрлігінің бас басқармасына тергеуге шақырылды. Бұл жөнінде оның қызы Әлия Шагиева әлеуметтік желіде жазды.

Оның сөзінше, тергеу кешкі сағат 5-ке белгіленген және оның анасы адвокаты Сергей Слесаревпен бірге сол жаққа кеткен.

"Не үшін шақырғаны белгісіз" деді Шагиева.

Қырғызстанның ішкі істер министрлігі әзірге түсініктеме бермеді.