Тоқаев Анталия форумында БҰҰ-ны сынап, реформа қажетін айтты

🇰🇿 17 сәуірде Қазақстан президенті Қасым-Жомарт Тоқаев Түркиядағы Анталия дипломатиялық форумында сөйлеп, БҰҰ рөлі әлсірегенін мәлімдеді.

🇺🇳 "Маңызды келіссөздер БҰҰ-дан тыс өтіп жатыр. Бұл – ұйым рөлінің төмендегенін көрсетеді", – деді ол.

Президент БҰҰ Қауіпсіздік кеңесі кей жағдайда жаһандық мәселелерді шешуге кедергі келтіріп отырғанын айтып, халықаралық институттарды реформалауға шақырды.

Сондай-ақ орта державалардың рөлін атап өтті:
🗣"Қазақстан мен Түркия жауапкершілік танытып отыр".

Тоқаев превентивті дипломатияны күшейту қажеттігін де айтты.

📍 Қазақстанда Тоқаевтың кандидатурасы БҰҰ Бас хатшылығына ұсынылуы мүмкін деген болжам біраздан бері айтылып жүр. Reuters мұндай сөздің жаны бар екенін жазған, бірақ Тоқаевтың өзі бұған дейін БҰҰ-ға бару жоспары жоғын мәлімдеген.