Ықтиярхат алғысы келетіндер қазақ тілінен сынақ тапсырсын деген талап талқы туғызды

Қазақстанда шетелдік азаматтар уақытша тұруға рұқсат алу (ықтиярхат) үшін қазақ тілінен тест тапсырып, В2 деңгейін растауы керек деген ақпарат тарады. Бірақ Астана мұны ресми растаған жоқ. Дегенмен Қазақстан биыл ақпанда уақытша тұруға рұқсат алғысы келетіндердің өзі қазақ тілін бастапқы А1 деңгейінде білу керек деген талап қоя бастаған.