️ Ресей Думасы президентке шетелдегі ресейліктерді қорғауға әскер жұмсауға рұқсат беретін заңды бірінші оқылымда мақұлдады

Ресей мемлекеттік думасы президентке әскерді шетелде қамауға алынған немесе шетелдік/халықаралық соттар қудалаған ресейліктерді қорғауға пайдалануға мүмкіндік беретін заң жобасын бірінші оқылымда мақұлдады.

🪖 Құжатта президентке Ресей қатыспайтын шетелдік немесе халықаралық соттар шешімімен қудаланған ресейлік азаматтарды қорғау үшін әскер жіберуге өкілеттік беру көзделген.

❗️ Заң жобасында әскердің нақты қалай қолданылатыны көрсетілмеген.

📌 Қазір шетелде әскер қолдану үшін президентке Федерация кеңесінің рұқсатын алу қажет. Путинге дәл осындай рұқсат 2022 жылы Ресей әскері Украинаға басып кірер алдында берілген.

📍 Бұл құжат әлі екінші және үшінші оқылымнан өтуге тиіс.