15 сәуірден бастап мобильді аударымдар тексеріле бастайды

Қазақстанда салық органдары банктердің бірінші тоқсан деректеріне сүйеніп, азаматтардың мобильді аударымдарын талдауға кіріседі.

Тексерудің жаңа тетігі мынадай жайттарды назарға алады:
▪️ 3 ай бойы ай сайын 100+ адамнан ақша түссе
▪️ бұл үрдіс үздіксіз қайталанса
▪️ түскен жиынтық қаржы 1 млн 20 мың теңгеден көп

📩 Ондай шот иелеріне мамырдан бастап e-Salyq, жеке кабинет немесе SMS арқылы хабарлама келеді. Жауап беруге 30 жұмыс күні берілмек.

✅ Туыстар көмегі, тойға ақша жинау, сыйлық, қайырымдылық, қарыз қайтару секілді жеке аударымдарға салық салынбайды.

⚠️ Ал егер төлемдерден тауар/қызмет үшін жүйелі табыс белгісі анықталса, азаматқа жеке кәсіпкер ретінде тіркелу, салық төлеу және бизнес-шот қолдану міндеттелуі мүмкін.

💸 Заңсыз кәсіпкерлікпен айналысқаны дәлелденсе айыппұл 15-100 көлемде АЕК, табысты жасырғаны анықталса салықтың 20-50% көлемінде айыппұл және өсімпұл қарастырылған.