Мадияр Путин оған қоңырау шалса, соғысты тоқтат деп кеңес беретінін айтты

Венгриядағы парламент сайлауында жеңіске жеткен оппозициялық "Тиса" партиясының лидері Петер Мадияр Ресеймен прагматикалық диалогқа дайын екенін мәлімдеді

Ол Венгрия Ресейден мұнай сатып алуды жалғастыратынын, бірақ мұнай жеткізуді әртараптандыруға басымдық беретінін айтты.

Бұған қоса Мадияр бұрынғы премьер Виктор Орбан Киевке €90 млрд несие бөлуге қойған ветоны алып тастауға дайын екенін аңғартты. Мадияр Украина "басқыншылық құрбаны болған ел, одан жерінен бас тартуды талап етуге болмайды" деді.

Ол өзі бірінші болып Ресей президентіне телефон шалмайтынын, ал егер Мәскеу жағы ынта танытып сөйлесетін болса, Владимир Путинге Украинадағы соғысты тоқтатуға кеңес беретінін мәлімдеді.

Кремль баспасөз хатшысы Дмитрий Песков Мәскеу Венгрияны "дос пиғылдағы ел емес" санайтындықтан, Путин Мадиярды құттықтамайтынын айтты.

Брюссель мен Киев жаңа үкімет кезінде Будапешт Украинаға қолдау шараларын бұғаттауды қояды деп үміттеніп отыр.