"Бұл – саяси іс". "Атажұрт" белсенділері ісі бойынша сот үкімі жайлы құқық қорғаушы Евгений Жовтиспен сұхбат

13 сәуірде Жетісу облыстық соты былтыр күзде Қытай туы мен Қытай төрағасы Си Цзиньпиннің портретін өртеп, наразылық акциясын өткізген "Атажұрт" белсенділеріне және олардың жақтастарына үкім шығарды. Сот "алауыздық қоздырды" деп айыпталған 19 адамның 11-іне бес жыл түрме жазасын кесіп, 8 адамның бостандығын 5 жылдай уақытқа шектеді.

Қазақстандық құқық қорғаушы Евгений Жовтис Азаттыққа берген сұхбатында "оларды осылайша қатаң жазалайтындай құқықтық негіз мүлде жоқ. Бұл – айқын саяси іс" деп баға берді.