️ АҚШ Иран порттарына толық теңіз блокадасын жариялады

АҚШ-тың Орталық қолбасшылығы (CENTCOM) Иранның барлық порттарын бұғаттайтынын мәлімдеді. Шектеу дүйсенбі, 13 сәуірде Астана уақытымен 19:00-де күшіне енбек.

📍 Негізгі дерек:
• КІмдерге қолданылады: Парсы және Оман шығанағындағы Иранның барлық порттарына кіріп-шығатын кемелер, қай елге тиесілі екеніне қарамастан шектеуге тап болады.
• КІмдерге қолданылмайды: Ормуз бұғазы арқылы және өзге елдердің портына кіріп-шығатын кемелер.
• Себеп: Исламабадта өткен АҚШ–Иран келіссөзінің (ядролық бағдарлама мен қауіпсіздік мәселесі) сәтсіз аяқталуы.
📈 Нарық реакциясы:
Жаңалықтан соң Brent маркалы мұнай баррелінің бағасы қайтадан 100 доллардан асты. Жаһандық тасымалға қауіп төніп тұр.
🔥 Шиеленіс шегінде:
• Иран: Иран революциясы сақшылары корпусы Ормуз бұғазына жақындаған кез келген әскери кемеге қатаң соққы беретінін ескертті.
• Израиль: Иран шабуылдай қалса дайын болу үшін әскерін толық дайындыққа көшірді.
• Ақ үй: Блокададан бөлек, шектеулі әуе шабуылдарын жасау нұсқаларын талқылап жатыр (WSJ).

Президент Дональд Трамп бұған дейін Иранның Ормуз бұғазында заңсыз алым жинауына жол бермеуді бұйырған. Сарапшылар Таяу Шығыстағы онсыз да шиеленісті жағдай одан сайын ушығуы мүмкін деп қауіптенеді.