Трамп келісім мандымаса, Иран қатты шабуылға ұшырайтынын айтты

АҚШ президенті Дональд Трамп Иранмен жасалған келісім толық орындалмайынша, АҚШ әскері Таяу Шығыста қала беретінін мәлімдеді. Ол егер Иран келісімді орындамаса, "бұрын-соңды болмаған ауқымды әрі жойқын" шабуылға тап болатынын айтты.

АҚШ пен Иран осы аптада Ормуз бұғазы арқылы кеме қатынасын қалпына келтіру шартымен екі аптаға атысты доғаруға келіскен. Алайда Тегеран Ливандағы "Хезболла" тобына қарсы Израиль операциялары жалғасса, бітімнен шығуы мүмкін екенін ескертті.

Трамп Тегеранмен келісім ядролық қарудан толық бас тартуды және Ормуз бұғазының қайта ашылуын қамтитынын айтты.