"Атажұрт" белсенділеріне үкім 14 сәуірде шығады

Қылмыстық іс бойынша "ұлтаралық араздық қоздырды" деген айып тағылған Тұрсынбек Қабидің әйелі Оралхан Әбен 9 сәуір күні Талдықорғандағы сот отырысына қатысып шыққан соң бүгін айыпталушылар соңғы сөзін айтып, судья оларға үкім 14 сәуірде таңертеңгі сағат 10-да шығатынын жариялағанын жеткізумен шектелді.

– Судья процесске қатысушыларға ондағы жайттарды жария етуге тыйым салғандықтан бұдан өзге ештеңе айта алмаймын. Күйеуіме тағылып отырған айыпқа келіспеймін, – деді жұбайының қоғамдық қорғаушысы болып жүрген Оралхан Әбен.