Ақтөбе облыстық әкімдігіндегі өрт электр желісінен шыққан болуы мүмкін деген болжам айтылды

Ақтөбедегі облыс әкімдігіндегі өртке электр желісіндегі ақау себеп болған болуы мүмкін. Өрттің нақты себебі өрт-техникалық сараптамадан кейін белгілі болады. Облыстық төтенше жағдайлар қызметі осылай деген алдын ала болжам айтты.

ТЖ мәліметінше, 7 сәуір кешке алты қабатты ғимараттың шатырынан шыққан өрттен әкімдіктің негізгі ішкі бөліктері зақымданбаған, тек шатыры жанып, бүлінген.

Қазір шатырды қалпына келтіру жоспары әзірленіп жатыр, шығын көлемі әлі нақтыланбаған.