🚀 🌚 "Артемида-2" экипажы тарихи рекорд орнатты

АҚШ-тың аэроғарыш агенттігінің (NASA) "Артемида-2" миссиясындағы төрт астронавт Жерден 406 мың шақырымнан астам ұзап ұшып, тарихта адам баласының ең алыс қашыққа ұшу көрсеткіші бойынша рекорд жаңартты. Осылайша экипаж 1970 жылы "Аполлон-13" миссиясы орнатқан рекордтан асып түсті.

Ғарыш кемесі Айды шамамен 7 мың километр қашықтан айналып ұшып, енді Жерге оралу траекториясына түсті деп хабарлады NASA.

Бұл — АҚШ-тың жарты ғасырдан кейін Айға қайтадан адам ұшырған жаңа миссиясы. Ғарыш сапары сәтті аяқталса, келесі кезеңде NASA астронавтарды Ай бетіне қондыруды көздеп отыр.