Ақмола облысында бөгет бұзылып, тасқын су далаға жайылған

Ақмола облысы Қорғалжың ауданындағы Шөптікөл бөгеті бұзылды. Төтенше оқиға 5 сәуір күні сағат 19.00 шамасында Сабынды ауылына тақау жерде болған деп жазды жергілікті басылымдар.

Әлеуметтік желіде оқиға орнынан түсірілген видеолар тарап жатыр. Куәгерлер Астана – Қорғалжың бағытындағы тасжолдың бір бөлігінде жол бойын тасыған су басқанын айтады.

Жергілікті билік орындары Сабынды ауылына қауіп жоқ, жағдай толық бақылауда екенін және тасқын бұзған бөгетті қалпына келтіру жұмыстары жүргізіліп жатқанын айтып отыр деп жазды Orda басылымы.