Қарағанды облысында вахталық автобус аударылды, 30-дан астам адам ауруханаға жеткізілді

Төтенше жағдай министрлігінің хабарлауынша, жол апаты Қарқаралы ауданы Бесоба ауылынан 15 шақырым жерде болған. Автобуста 50 адам болған.

Зардап шеккен 3 адам ұшақпен Қарағандыдағы ауруханаға жеткізілген. 30 адам облыстық ауруханаға жеткізілген. Зардап шеккендердің жағдайы орташа екені хабарланды.

Жол апатына не себеп болғаны министрліктің ресми хабарламасында айтылмайды.