Иран Иракқа Ормуз бұғазы арқылы өтуіне рұқсат берді

Иран билігі Ормуз бұғазындағы шектеулер ірі мұнай өндіруші Иракқа қатысы жоғын мәлімдеді.

"Ормуз бұғазында енгізген шектеулерден бауырлас Ирак босатылған" деп жазылған мәлімдемеде.

Bloomberg-тің жазуынша, мұндай шешім тәулігіне Ирактың үш миллионға дейін баррелін нарыққа шығаруға мүмкіндік береді. Дегенмен Ирак шенеуніктерінің бірі агенттікке қазіргідей жағдайда кемелердің бұғазға кіруге батылы бара ма, жоқ па, мәселе сонда деп айтқан.

Мұндай шешім Ирак өндіретін барлық мұнайға қатысты ма, әлде Ирак туын ілген мұнай танкерлеріне ме, әзірге белгісіз. Ирак ОПЕК елдері арасында мұнай өндіру жағынан Сауд Арабиясынан кейін екінші орында тұр.