"Сұңқар" ракета-тасығышының ұшырылуы екінші рет шегерілді

Сенбі, 4 сәуірге жоспарланған "Сұңқар" ракета-тасығышын Байқоңырдан ұшыру тағы да шегерілді. Бұл жөніндегі Байқоңыр айлағындағы дереккөзге сүйенген ҚазТАГ хабарлады.

"Ұшыру кешенінің жабдықтары мен зымыран тасығыш жүйелерін қосымша тексеру қажеттілігіне байланысты ұшыру күні резервтік күнге ауыстырылды. Тиісті тексерулер аяқталып, кемшіліктер жойылғаннан кейін мемлекеттік комиссия ұшыру күнін анықтайды" деді дереккөз.

"Сұңқар" ракетасы әуелі 27 наурызға жоспарланған еді, кейін 4 сәуірге шегерілген.