Гуллар фестивали сари қизғин тайёргарлик: Наманганда рекорд натижа кўзланмоқда.

Наманганда анъанавий гўзаллик ва нафосат байрами — 65-халқаро "Гуллар фестивали"га тайёргарлик ишлари жадал суръатларда давом этмоқда. Айни пайтда вилоятнинг турли ҳудудларида ободонлаштириш, гул экиш ва дизайн ишлари кенг кўламда амалга оширилиб, шаҳарга янги қиёфа бағишлашга алоҳида эътибор қаратилмоқда.

Наманган вилояти ҳокими Шавкатжон Абдураззоқов “Тинчлик” хиёбони ҳамда Заҳириддин Муҳаммад Бобур номидаги маданият ва истироҳат боғи ҳудудида олиб борилаётган гул экиш жараёнларини кўздан кечирди.

Таъкидлаш жоиз, шу кунларда ушбу ҳудудларда 65-халқаро "Гуллар фестивали"га тайёргарлик қизғин кетмоқда. Бу йил нафақат анъанавий гул безаклари, балки инновацион ландшафт дизайн элементларига ҳам кенг эътибор қаратилмоқда.

Эътиборлиси, фестивал довруғини эшитиб, ҳозирданоқ узоқ-яқиндан келаётган сайёҳларни учратиш мумкин. Ҳатто, қўшни Қирғиз Республикасидан меҳмонлар ташриф буюриб, жараённи кузатмоқдалар.

Ўрганиш якунида мутасаддиларга фестивал лойиҳаларини янада такомиллаштириш, гул композицияларининг дизайн ва безак жиҳатларини бойитиш, шунингдек, барча ишлар сифатли ва белгиланган муддатларда якунланишини таъминлаш бўйича аниқ топшириқлар берилди.

Наманган вилояти ҳокимлиги Ахборот хизмати.
_________

Gullar festivali sari qizg‘in tayyorgarlik: Namanganda rekord natija ko‘zlanmoqda.

Namanganda anʼanaviy go‘zallik va nafosat bayrami — 65-xalqaro "Gullar festivali"ga tayyorgarlik ishlari jadal surʼatlarda davom etmoqda. Ayni paytda viloyatning turli hududlarida obodonlashtirish, gul ekish va dizayn ishlari keng ko‘lamda amalga oshirilib, shaharga yangi qiyofa bag‘ishlashga alohida eʼtibor qaratilmoqda.

Namangan viloyati hokimi Shavkatjon Abdurazzoqov “Tinchlik” xiyoboni hamda Zahiriddin Muhammad Bobur nomidagi madaniyat va istirohat bog‘i hududida olib borilayotgan gul ekish jarayonlarini ko‘zdan kechirdi.

Taʼkidlash joiz, shu kunlarda ushbu hududlarda 65-xalqaro "Gullar festivali"ga tayyorgarlik qizg‘in ketmoqda. Bu yil nafaqat anʼanaviy gul bezaklari, balki innovatsion landshaft dizayn elementlariga ham keng eʼtibor qaratilmoqda.

Eʼtiborlisi, festival dovrug‘ini eshitib, hozirdanoq uzoq-yaqindan kelayotgan sayyohlarni uchratish mumkin. Hatto, qo‘shni Qirg‘iz Respublikasidan mehmonlar tashrif buyurib, jarayonni kuzatmoqdalar.

O‘rganish yakunida mutasaddilarga festival loyihalarini yanada takomillashtirish, gul kompozitsiyalarining dizayn va bezak jihatlarini boyitish, shuningdek, barcha ishlar sifatli va belgilangan muddatlarda yakunlanishini taʼminlash bo‘yicha aniq topshiriqlar berildi.

Namangan viloyati hokimligi Axborot xizmati.

Sayt | Telegram | Instagram* | Facebook* |Twitter | YouTube