Қазақстанның сыртқы қарызы тарихи рекорд жаңартты

Еліміздің сыртқы қарызы өсіп барады. Тіпті тарихи рекорд жаңартты десек те болады. Қазір Қазақстан алыс-жақын шет елге шамамен 182 млрд доллар берешек. Тек соңғы бір жылдың ішінде оның көлемі 10,4 пайызға өскен. Бұл 17 жыл ішіндегі ең жоғары көрсеткіш. Статистикаға сүйенсек, бір жылда қарыз көлемі 17 млрд 200 млн долларға көбейген. Бұл да бұрын-соңды болмаған жағдай. 2050 жылға қарай мемлекеттік борыш жалпы ішкі өнімнің 45 пайызына дейін ұлғаяды деген болжам бар. Қазір ол көрсеткіш 30 пайызға тең. Бірақ, фирмааралық берешектерді қосқанда тіпті 60 пайызға жуықтайды.

Бізге жазылыңыз -> @atamekenbusiness_qaz