Әлемдік мұнай бағасы күрт өсіп, баррелі 100 доллардан асты

Бұл АҚШ пен Иран арасындағы келіссөздердің нәтиже бермеуі және Вашингтонның Иранға қатысты теңіз блокадасын енгізу жоспарымен байланысты.

Соңғы деректерге сәйкес, Brent маркалы мұнай шамамен 101–102 доллар деңгейіне дейін көтерілді, ал америкалық WTI маркасы 104 доллардан асты. Бағаның тәуліктік өсімі 7–8%-ға жеткен.

АҚШ-тың Ормуз бұғазы арқылы Иран мұнайын тасымалдауға шектеу қою жоспары нарықтағы ұсынысты қысқарту қаупін күшейтті. Ал бұл бұғаз арқылы әлемдік мұнайдың шамамен 20%-ы тасымалданады.

Сонымен қатар, келіссөздердің сәтсіз аяқталуы инвесторлардың алаңдаушылығын күшейтіп, танкерлердің аймақтан кетуіне және жеткізілімдердің азаюына әкеліп отыр.

Сарапшылардың бағалауынша, жағдай тұрақталмаса, мұнай бағасы жоғары деңгейде сақталуы мүмкін, бұл өз кезегінде жанармай бағасына және жаһандық инфляцияға қысым түсіреді.

Бізге жазылыңыз -> @atamekenbusiness_qaz