Биыл Алакөлдің инфрақұрылымына былтырғыға қарағанда 10 есе көп қаржы бөлінеді

Премьер-министр Олжас Бектенов Абай облысына жұмыс сапары аясында Алакөл жағалауын дамытудың кешенді жоспарымен танысты. Облыс әкімі Берік Уәлидің айтуынша, былтыр Алакөл жағалауының инфрақұрылымын дамытуға 1 млрд теңге бөлінді. Ал биыл бұл мақсаттарға 10 млрд теңге көзделген.

Қаражат инженерлік және көлік инфрақұрылымын жаңғыртуға, сондай-ақ цифрлық шешімдерді енгізуге, оның ішінде бейнебақылау жүйелерін және орнықты мобильді интернет-қамтуды енгізуге бағытталады.

Туристік аймақтың аумағы 300 гектардан 3 мың гектарға дейін ұлғайтылып, өткізу қабілеті тәулігіне 75 мың туриске дейін арттыру жоспарланып отыр.

Бізге жазылыңыз -> @atamekenbusiness_qaz