Израиль Иранға қарсы соғысты кез келген сәтте бастауға дайын – Нетаньяху

Сәрсенбі күні премьер-министр Биньямин Нетаньяху Израильдің Тегеран мен Вашингтон арасындағы бітімге қарамастан, қажет болса Иранға қарсы ұрыс қимылдарын бастауға дайын екенін айтты.

«Біздің орындауға тиіс мақсаттарымыз бар. Біз оларға не келісім арқылы, не ұрыс қимылдарын қайта жалғастыру арқылы жетеміз», - деді Израиль премьер-министрі телеүндеуінде.

Нетаньяху соғыс барысындағы нәтижелерге де тоқталды. Сөзінше, Тель-Авив Ирандағы зымырандарды ғана емес, оларды өндіретін зауыттарды да жойған.

«Біз Иранның ядролық бағдарламасына да айтарлықтай соққы жасадық, маңызды инфрақұрылым нысандарын атқыладық», - деді ол.

Бізге жазылыңыз -> @atamekenbusiness_qaz