Кейбір психологтардың өзіне психолог керек

Осылай деген Мәжіліс депутаты Бақытжан Базарбек психологиялық көмектен зардап шеккен азаматтардың моральдық зиян өндіріп алуға құқығы болуы керек деп санайды. Сөзінше, өзін психологпын деп таныстырған мамандар жауапкершілік арқалауы тиіс.

Құзырлы орган депутаттың ұсынысын қолдап отыр.

«Моральдық зиян келтіргені үшін әрбір адам сотқа арыз беруге құқылы. Сондықтан егер заңға тиісті өзгерістер енгізу қажет болса, біз қарастыруға дайынбыз», – деді Әділет вице-министрі Лаура Мерсалимова.

Бұл норма Мәжілісте қаралып жатқан «Психологиялық қызмет туралы» заң жобасының екінші оқылымына дейін қаралады.

Бізге жазылыңыз -> @atamekenbusiness_qaz