Иран мен АҚШ екі апта атысты тоқтатуға және Ормузды ашуға келісті

АҚШ Иранға қарсы шабуылды тоқтатып, екі апта бойы тыныштық сақтайды. Бұл шешім Ормуз бұғазының толық ашылуына байланысты қабылданған. Трамптың айтуынша, осы келісім Шахбаз Шариф және Асим Мунирмен өткен келіссөздерден кейін жүзеге асқан. Ол бұл жағдайды «екі жақты атысты тоқтату» деп атады.

Мәлімдемеден кейін мұнай бағасы күрт төмендеп, кейбір нарықта 16 пайызға дейін арзандады. Ал АҚШ қор нарығының фьючерстері өсе бастады. Иран тарапы бұғаз арқылы кемелердің қауіпсіз өтуіне уақытша рұқсат берілетінін хабарлады. Келісімге сәйкес, алдағы екі апта ішінде АҚШ пен Иран Исламабад қаласында келіссөз жүргізеді. Тараптар ұзақ мерзімді бейбіт келісімге қол жеткізуді көздеп отыр.

Бізге жазылыңыз -> @atamekenbusiness_qaz