Қазақстан көмірді қай елдерге экспорттайды

Көмір экспортының негізгі бағыттары: Ресей, Польша, Өзбекстан, Түркия, Үндістан, Малайзия және тағы да басқа елдер. Бұл туралы Энергетика министрі Ерлан Ақкенженов айтты.

2026 жылы елімізде көмір өндіру көлемі 128,9 млн тонна болады деп жоспарланып отыр. 2025 жылдың қорытындысы бойынша шамамен 115,9 млн тонна көмір өндірілді, бұл 2024 жылмен салыстырғанда 7%-ға көп.

«Өндірілетін көмірдің негізгі бөлігі ішкі нарыққа жіберіледі, ол электр энергетикасында, коммуналдық-тұрмыстық секторда және өнеркәсіпте пайдаланылады. Көмір экспортының да деңгейі сақталып отыр», - деді министр.

Коммуналдық-тұрмыстық мақсаттарға және ішкі тұтынуға 85,9 млн тонна пайдаланылды, ал көмір экспорты 30 млн тоннаға жетті.

Бізге жазылыңыз -> @atamekenbusiness_qaz