Үкімет бағаға қойылған шектеулерді алып тастамақ

Премьер-министр Олжас Бектенов баға мен тарифтерді еркін қалыптастыруға көшу бойынша ұсыныстар дайындауды тапсырды.

Оның айтуынша, Ұлттық экономика министрлігі басқа мемлекеттік органдармен бірге нарықтағы бағаға қойылған шектеулерді алып тастау жолдарын әзірлеуі тиіс. Бұл өзгеріс монополиялық салалардан басқа бағыттарға қатысты болады. Процесс тарифтерді ырықтандырумен қатар жүргізіледі. Тағы бір өзгеріс – дәрі-дәрмекті нарыққа шығару мерзімін қысқарту. Қазір бұл процесс 3–5 жылға созылса, енді оны 100 жұмыс күніне дейін азайту көзделген.

Айта кетейік, бұған дейін елде тарифтер мен жанар-жағармай бағасына қойылған шектеулер 2026 жылдың сәуірінен күшін жойды.

Бізге жазылыңыз -> @atamekenbusiness_qaz