Atameken Business - Жаңалықтар
@atamekenbusiness_qaz
Atameken Business - Жаңалықтар
Фото:
Өскеменнің экс-әкімі 6 жылға сотталды
Өскемен қаласының бұрынғы әкімі Жақсылық Омарға сот үкімі шықты. Ол 6 жылға бас бостандығынан айырылды. Жазасын орташа қауіпсіздік мекемесінде өтейтін болады.
Сот оны алаяқтық және пара алу баптары бойынша кінәлі деп таныды. Іс оның Өскемен әкімі және Шығыс Қазақстан облысы әкімінің бірінші орынбасары болған кезеңіне қатысты.
Тергеу мәліметінше, бір эпизодта ол шамамен 13 млн теңге тұратын 2021 жылғы Toyota Camry көлігін материалдық көмек ретінде рәсімдеп алған. Кейін бұл көлік үшінші тұлғаға аударылып, жаңасына ауыстырылған.
Тағы бір жағдайда ол әкімдік қызметкерінен 20 млн теңге сұраған. Қызметкер бұл туралы ҰҚК-ге хабарлап, барлық әрекет бақылауға алынған. Нәтижесінде делдал арқылы 6 млн теңге беріліп, оның 5,6 млн теңгесі ұсталған кезде тәркіленген.
Іс жеделдетілген тәртіппен қаралды.
Жақсылық Омар шартты түрде мерзімінен бұрын босап шыға алмайды. Сонымен қатар амнистияға да ілінбейді. Бұл туралы Өскемен қаласының прокуратурасы хабарлады.
Ресми ақпаратқа сәйкес, сыбайлас жемқорлық қылмыстары үшін сотталғандарға рақымшылық және шартты түрде мерзімінен бұрын босату нормалары қолданылмайды. Прокуратура атап өткендей, Шығыс Қазақстан облысы әкімінің бұрынғы бірінші орынбасарына қатысты сот үкімі әлі заңды күшіне енген жоқ. Тараптар оған шағымдана алады.
Бізге жазылыңыз -> @atamekenbusiness_qaz
Ресми ақпаратқа сәйкес, сыбайлас жемқорлық қылмыстары үшін сотталғандарға рақымшылық және шартты түрде мерзімінен бұрын босату нормалары қолданылмайды. Прокуратура атап өткендей, Шығыс Қазақстан облысы әкімінің бұрынғы бірінші орынбасарына қатысты сот үкімі әлі заңды күшіне енген жоқ. Тараптар оған шағымдана алады.
Бізге жазылыңыз -> @atamekenbusiness_qaz
👍 11
❤ 6
⚡ 2
2K
Обсуждение 0
Обсуждение не доступно в веб-версии. Чтобы написать комментарий, перейдите в приложение Telegram.
Обсудить в Telegram