Елімізде орташа жалақы 473 158 теңге болды

Бұл туралы Ұлттық статистика бюросы хабарлады.

Ресми ақпаратқа сүйенсек, 2025 жылғы IV тоқсан бойынша елдегі жалақының медианалық мәні 339 912 теңге болды. Ал орташа айлық атаулы жалақы – 473 158 теңге.

«IV тоқсандағы жалақының орташа мәнінің өсуі жыл қорытындысы бойынша қосымша төлемдер мен мерекелік сыйақылар есебінен еңбекақы қорының ұлғаюына байланысты болып отыр», - делінген хабарламада.

Өңірлік бөліністе айлық орташа атаулы жалақының ең көп өсуі Ақмола облысында –17,4%, Солтүстік Қазақстан облысында – 13,1%, Абай облысында – 11,7%, Алматы қаласында – 11,5% және Жетісу облысында – 11,2% байқалды.

Бізге жазылыңыз -> @atamekenbusiness_qaz