АСАКАБАНК ФАРҒОНА БХМДА ФАВҚУЛОДДА ВАЗИЯТЛАРГА ТАЙЁРГАРЛИК БЎЙИЧА АМАЛИЙ ЎҚУВ МАШҒУЛОТИ ЎТКАЗИЛДИ

Асакабанк Фарғона БХМда ходимларнинг фавқулодда вазиятларда тўғри ва тезкор ҳаракат қилиш кўникмаларини мустаҳкамлаш мақсадида амалий ўқув машғулоти ташкил этилди.

Машғулот давомида шартли равишда юзага келган фавқулодда ҳолат бўйича ҳаракатлар алгоритми синовдан ўтказилиб, ходимларни хавфсиз ҳудудга эвакуация қилиш, жабрланганларга биринчи ёрдам кўрсатиш ҳамда қутқарув ишларини ташкил этиш бўйича амалий машқлар бажарилди.

🚒 Тадбирда тегишли ҳамкор ташкилотлар мутахассислари иштирок этиб, фавқулодда ҳолатларда идоралар ўртасидаги ҳамкорлик, тезкор қарор қабул қилиш ва мувофиқлаштирилган ҳаракатларнинг аҳамиятига алоҳида эътибор қаратилди.

Ўқув машғулоти давомида хавфсизлик воситалари ва техник жиҳозларнинг ишлаш ҳолати текширилиб, турли сценарийлар асосида амалий кўникмалар янада мустаҳкамланди.

🛡 Асакабанк тизимида ходимлар ва мижозлар хавфсизлигини таъминлаш, эҳтимолий хавф-хатарларга тайёргарлик даражасини ошириш ҳамда хавфсиз меҳнат муҳитини шакллантириш бўйича ишлар изчил давом эттирилмоқда.

Instagram*Facebook*Youtube