Forumda Akmal Burxanov o'tgan davr mobaynida davlat xaridlari sohasida amalga oshirilgan islohotlarning ayrim natijalariga to'xtalib o'tdi:

Davlat xaridlarida ishtirok etayotgan tadbirkorlik subyektlari soni 2021-yildagi 440,1 mingtadan 2025-yil yakuniga 623,6 mingtaga yoki 51 foizga (316,6 ming) ko‘paydi.

Davlat xaridlarini raqobatli usullar yordamida amalga oshirish natijasida 15,6 trln so‘m mablag‘ iqtisod qilinishiga erishildi.

Agentlik tomonidan o'tgan davr mobaynida 1,9 trln so‘mlik 1463 ta davlat xaridida qonunbuzilishi holatlari aniqlanib, 1,5 trln so‘mlik qonunbuzilishi holatlarining oldi olindi.

29 ta jinoyat ishi qo‘zg‘atildi, 339 nafar shaxs maʼmuriy, 137 nafar shaxs intizomiy javobgarlikka tortildi.

2025-yilda davlat xaridlarida manfaatlar to‘qnashuviga yo‘l qo‘yilgan 86 ta holat bo'yicha mas'ul mansabdor shaxslarga nisbatan maʼmuriy bayonnomalar rasmiylashtirildi.

2026-yilning I-choragida Agentlik tomonidan jami 225,1 mlrd so‘mlik 52 ta davlat xaridida qonunbuzilishi holatlari aniqlandi.

Hozirda ushbu holatlarni bartaraf etish va qonuniy choralar ko‘rish bo‘yicha qatʼiy ish olib borilmoqda.

Bu haqda Forum ishtirokchilariga batafsil ma'lumot berildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook*|Telegram |YouTube|Instagram*|Twitter|Veb-sayt