☑️ 9 апрель – Соҳибқирон Амир Темур таваллуд топган кун!

Амир Темур – улуғвор ишлари, мустаҳкам иродаси ва беқиёс давлатчилик тажрибаси билан халқимизга асрлар давомида маънавий куч бағишлаб келаётган буюк сиймодир. Буюк бобомизнинг номини нафақат юртимиз, балки бутун жаҳон тарихи юксак эҳтиром билан тилга олади.

Соҳибқирон таваллуд топган кун мамлакатимизда ҳар йили катта кўтаринкилик билан нишонланади. Бу йил буюк саркарда таваллудига 690 йил тўлмоқда. Бу сана – нафақат тарихий хотира, балки ёш авлодни ватанпарварлик, жасорат ва матонат руҳида тарбиялашда муҳим аҳамиятга эга.

Амир Темур – улкан империя асосчиси, кучли стратег ва доно сиёсатчи сифатида жаҳон тарихида ўчмас из қолдирган. Унинг “Куч – адолатдадир” деган ҳаётий тамойили бугунги кунда ҳам ўз аҳамиятини йўқотмаган.

Буюк аждодимиз мероси, давлатчилик мактаби ва ўгитлари бугунги Янги Ўзбекистон тараққиётида ҳам илҳом манбаи бўлиб хизмат қилмоқда. Унинг жасорати ва қатъияти ҳар биримиз учун ибрат мактабидир.

@a_xaitov