Гулистон шаҳридаги истироҳат боғида Сирдарё вилояти Халқ қабулхонасининг сайёр қабули ўтказилди. Унда вилоят ҳокими Эркинжон Турдимов раҳбарлигида вилоят прокурори, ички ишлар ва солиқ идоралари раҳбарлари, шунингдек шаҳар ҳокими иштирок этиб, фуқароларнинг муаммоларини бевосита тинглашди.

Очиқ мулоқот руҳида ўтган қабулда қарийб 300 га яқин мурожаат келиб тушди. Уларнинг асосий қисми Гулистон шаҳри ҳиссасига тўғри келди. Шунингдек, Боёвут, Мирзаобод ва Гулистон туманларидан ҳам кўплаб фуқаролар мурожаат билан иштирок этди.

Айрим масалалар жойида ҳал этилди, мураккаблари бўйича 15 кунлик муддат билан аниқ топшириқлар берилди. Барча мурожаатлар вилоят ҳокимлиги томонидан электрон назоратга олинди.

Сирдарё вилояти ҳокимлиги Ахборот