Bugun pedagog kadrlar attestatsiyasiga arizalar qabuli boshlandi!

👩‍🏫 Hurmatli o‘qituvchilar va pedagoglar!

Bugun, 1-avgustdan navbatdagi va navbatdan tashqari malaka toifalarini berish (tasdiqlash) bo‘yicha attestatsiyada ishtirok etish uchun arizalar qabuli boshlandi.

Endi navbat kutish va ortiqcha ovoragarchiliklarga hojat yo‘q — arizani my.gov.uz portali yoki MyGov mobil ilovasi orqali uydan chiqmagan holda, bir necha daqiqada yuborishingiz mumkin.

To‘lov shartlari:
Navbatdagi (majburiy) attestatsiya — BEPUL. Reja bo‘yicha majburiy attestatsiyadan o‘tayotgan pedagoglardan hech qanday to‘lov undirilmaydi.

💳 Navbatdan tashqari attestatsiya — TO‘LOVLI. O‘z malaka toifasini muddatidan oldin oshirmoqchi bo‘lgan pedagoglar uchun to‘lov miqdori BHMning 50 foizini tashkil etadi.

Muhim: Ariza my.gov.uz orqali yuborilganda 10% chegirma qo‘llaniladi!

Ariza topshirish tartibi juda oddiy:
my.gov.uz portali yoki MyGov ilovasiga kiring.
“Maktabgacha, umumiy o‘rta va maktabdan tashqari ta’lim tashkilotlari pedagog kadrlarini attestatsiyadan o‘tkazish” xizmatini tanlang.
Tizim tomonidan avtomatik shakllangan ma’lumotlarni tekshiring va kerakli bo‘limlarni to‘ldiring.
Attestatsiya turini tanlang (navbatdagi yoki navbatdan tashqari). Navbatdan tashqari bo‘lsa, to‘lovni 10% chegirma bilan amalga oshiring.

🔍 Arizangizning ko‘rib chiqilish holati, imtihonlarga ruxsatnoma va yakuniy natijalar shaxsiy kabinetingizda real vaqt rejimida aks etadi. Attestatsiyadan muvaffaqiyatli o‘tganingizdan so‘ng, elektron malaka toifasi sertifikati to‘g‘ridan-to‘g‘ri shaxsiy kabinetingizga yuboriladi va u to‘liq yuridik kuchga ega bo‘ladi.

my.gov.uz — oson, tez va qulay!

🌐 my.gov.uz | egov.uz
Telegram Facebook* instagram* YouTube
LinkedIn Bot