Diqqat! Bugundan mikrohududdan tashqari maktabga ariza topshirish boshlanadi

Farzandingizni o‘z mikrohududingizdan tashqari maktabga (qo‘shimcha kvota bo‘yicha) joylashtirish uchun doimiy yoki vaqtinchalik ro‘yxatdan o‘tgan manzilingiz bo‘yicha ariza yuborishingiz mumkin. Xizmat bugun soat 10:00 dan boshlab ishga tushadi.

Onlayn arizani to‘g‘ri topshirish tartibi:
1️⃣-qadam.  my.gov.uz ga kiring va “Bolani maktabning birinchi sinfiga joylashtirishga ariza yuborish” xizmatini tanlang. Ariza topshirish darajasida albatta “Mikrohududdan tashqari qabul”ni belgilang.
2️⃣-qadam. “Maktab tumani” maydoni ochiladi va kerakli maktabni tanlash imkoniyati paydo bo‘ladi.

💬 Eslatma: Agar vaqtinchalik ro‘yxatdan o‘tgan bo‘lsangiz, “Maktab hududi” maydonida vaqtinchalik yashayotgan manzilingizni tanlashingiz mumkin.

Maktab tanlanganda ekranda avtomatik ravishda ushbu maktabning kvotasi, bo‘sh o‘rinlar soni va ko‘rib chiqilayotgan arizalar soni ko‘rsatiladi.

Agar tizimda vaqtinchalik yashayotgan hududingiz ko‘rinmasa, quyidagi bosqichlarni bajaring:
 my.gov.uz’dagi qoralama (черновик) arizangizni o‘chiring.
 id.egov.uz tizimiga kirib, “Ro‘yxatdan o‘tish manzili to‘g‘risida ma’lumotlar” bo‘limidagi “Ma’lumotlarni yangilash” tugmasini bosing.
 So'ngra my.gov.uz portaliga qaytib, “Mening uyim” bo‘limida “Batafsil” tugmasi yonidagi yangilash belgisini (🔄) bosing.

3️⃣-qadam.  Endi arizani qaytadan to‘ldirib, yuboring.

Ariza mas’ul tashkilot tomonidan ko‘rib chiqiladi. Tasdiqlangach, tizim avtomatik ravishda maktabga borish vaqtini belgilaydi.

Belgilangan vaqtda hujjatlar to‘plami bilan maktabga borishni unutmang!

Ariza topshirish havolasi: 👉 https://my.gov.uz/oz/service/797

🌐 my.gov.uz | egov.uz
Telegram Facebook* instagram* YouTube
LinkedIn Bot