Биринчи чоракда аҳолининг банкларга валюта таклифи 6 млрд долларни ташкил этиб,  ўтган йилнинг мос даврига нисбатан 1,5 баробарга ўсган. Шунингдек, аҳолининг банклардан хариди 3,2 млрд долларни ташкил этиб, 31 фоизга ўсган.

Аҳолининг валюта таклифи сальдоси эса 2,9 млрд долларни ташкил этиб, 1,8 баробарга ўсган.

Чет элдан пул ўтказмаларининг ўсиши секинлашишгани фонида, аҳоли томонидан  валюта таклифининг юқори ўсаётганлиги миллий валютада жамғаришга ишончнинг ортаётганлигини кўрсатиши мумкин.

Биринчи чоракда пул ўтказмалари 433 млн долларга ўсган бўлса, аҳолининг чет эл валютаси таклифи қарийб 2 млрд долларга ўсган. Яъни аҳоли пул ўтказмалари орқали кириб келаётган валютадан ташқари, жамғармаларини ҳам миллий валютага ўтказмоқда.

Бундан ташқари, апрель ойидан нақдсиз тўловлар бўйича ўзгаришлар борасидаги кутилмалар ҳам бу трендга ҳисса қўшган бўлиш эҳтимоли йўқ эмас.

@Mirkonomika