Биринчи чоракда пул ўтказмалари қандай шаклланган?

Жорий йилнинг биринчи чорадагида мамлакатимизга пул ўтказмалари ҳажми  3,8 млрд долларни ташкил этиб, ўтган йилнинг мос даврига нисбатан 13 фоизга ўсган. Таъкидлаш керакки, пул ўтказмаларининг ўсиши ойлар кесимида секинлашиб борган. Хусусан, январь ойида ўсиш 15,8 фоизни ташкил этган  бўлса, февраль ойида 13,7 фоиз, март ойида эса 9,6 фоизгача секинлашган.  Пул ўтказмаларидаги секинлашишни икки омил билан изоҳлаш мумкин:

Биринчидан, юқори база эффекти. 2025 йилнинг биринчи чорагида пул ўтказмалари 33,9 фоизга ўсган эди. Яъни жорий йил бошидан ўтказмалар ўсишидаги умумий пасаювчи трендни нисбатан юқори база эффекти билан изоҳлаш мумкин.

Лекин ойлар кесимида ўтказмаларнинг секинлашишида рублнинг қадрсизланиши ҳам муҳим роль ўйнаган. Масалан,  пул ўтказмалари энг секин ўсган март ойида рубль долларга нисбатан 5,1 фоизга қадрсизланган эди. Январь ойида эса 3,2 фоизга мустаҳкамланган.

Умуман олганда, рубль курсининг ўзгариши пул ўтказмалари, валюта  бозоримиз, ҳамда умумий иқтисодий ўсиш шаклланишида катта аҳамият касб этишда давом этмоқда.

@Mirkonomika