Hurmatli vatandoshlar!

Konsullik xizmatlari uchun to‘lovni amalga oshirish tartibiga e’tibor qaratishingizni so‘raymiz. To‘lovni amalga oshirishdan oldin, avvalo konsullik bo‘limi xodimi bilan maslahatlashishingizni qat’iy tavsiya etamiz.

So‘nggi vaqtlarda noto‘g‘ri amalga oshirilgan to‘lovlar soni ortib bormoqda. Shuni ma’lum qilamizki, bunday noto‘g‘ri to‘lovlar qabul qilinmaydi va texnik sabablarga ko‘ra qaytarilmaydi.

Ma’lumot uchun: to‘lovlar faqat AQSh dollarida va faqat elchixonaning yagona konsullik hisob raqamiga amalga oshirilishi lozim.

Noxush holatlar va moliyaviy yo‘qotishlarning oldini olish uchun, iltimos, barcha to‘lov tafsilotlarini oldindan aniqlashtiring.

Tushunganingiz uchun rahmat.

Hurmat bilan,
O‘zbekiston Respublikasining Polshadagi Elchixonasi