Польша Ички ишлар ва маъмурият вазирлиги Германия ва Литва билан чегараларда вақтинчалик назоратни 2026 йил 1 октябригача узайтирганини маълум қилди.
📌 Поляк томонига кўра ушбу чора ноқонуний миграцияга қарши курашиш ҳамда мамлакат ички хавфсизлигини таъминлаш мақсадида қабул қилинган.
❗️ Шу муносабат билан Ўзбекистон Республикасининг Польшадаги Элчихонаси фуқароларга қуйидагиларни тавсия этади:
• шахсни тасдиқловчи ва Польша ҳудудида қонуний бўлишни тасдиқловчи ҳужжатларни доимо ўзингиз билан олиб юринг;
• чегарадан ўтишда эҳтимолий кечикишларни инобатга олинг;
• Польша чегара ва ҳуқуқни муҳофаза қилувчи органлари талабларига риоя қилинг.
❗️ Эслатма: ҳужжатлари кўриб чиқиш жараёнида бўлган ва виза ҳамда вақтинчалик яшаш гувоҳномаси бўлмаган фуқаролар учун бошқа давлатларга чиқиш ва Польшага қайта кириш билан боғлиқ чекловлар мавжуд.

📧 Мурожаат учун: pl.consulate@mfa.uz

Сафарангизни олдиндан режалаштиришингиз ва миграция қоидаларига қатъий амал қилишингиз тавсия этилади.