Ўзбекистонда ҳамма соҳалар гўё юксалди, ривожланди. Лекин ошхона ва егулик сотувчилари деярли ўзгармади.

Ҳали ҳам пакетни тупуриб очиб овқат соладиганлар бор. Пулни ушлаб, ўша қўл билан егуликни ушлаб беради. Эшик тутқичини ушлаб, телефонни ушлаб, кейин нонни ушлайди. Гигиена деган тушунча айримлар учун йўқдек.

Ҳожатхонадан чиқиб қўл ювмасдан овқатга тегиш — бу оддий бепарволик эмас, бу инсон соғлиғига хиёнат. Шунинг учун ҳам одамлар орасида паразитлар, ичак касалликлари, заҳарланиш ҳолатлари камаймаяпти.

Боғчадан тортиб айрим ошхоналаргача кирсангиз, антисанитар ҳолат кўринади. Назоратчилар суст. Жавобгарлик сезилмайди.

Савол: қачон ўзгарамиз?
Қачон тозаликни оддий талаб эмас, мажбурият деб қабул қиламиз?

Соғлиқ — тарелкадан бошланади.