#Mirziyoyev
#PresidentUZ
#XalqPrezidenti
#NewUzbekistan
#LeaderOfUzbekistan

Дори воситаларини лицензиясиз сотган шахслар фош этилди
 
Бош прокуратура ҳузуридаги Департаментнинг Қашқадарё вилояти бошқармаси томонидан ўтказилган терговга қадар текширувда "H.B." хусусий корхонаси раҳбари М.У. дори воситалари ва тиббиёт буюмларини чакана реализация қилиш фаолияти учун берилган лицензияси суд қарори билан бекор қилинган бўлса-да, 2,4 млрд сўмлик дори воситаларини реализация қилганлиги аниқланган.
 
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

👉@Department_uz

Корея давлатига ишга юбориш билан боғлиқ фирибгарлик ҳолати фош этилди 

Бош прокуратура ҳузуридаги Департаментнинг Чилонзор тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фуқаролар А.Х. ва Н.А. фуқаро А.С.нинг ишончига кириб, уни 55 000 АҚШ доллари эвазига гўёки юқори лавозимларда ишловчи танишлари орқали Корея давлатига ишга юборишлари ва у ерда доимий яшаш гувоҳномасини олиб беришларини айтиб, келишилган пулдан 25 000 АҚШ долларини олган вақтида ашёвий далиллар билан ушланганлар.

Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

👉@Department_uz

OCHIQ MULOQOT - 2026

O‘zbekiston Respublikasi Prezidenti bilan bo‘lajak VI Ochiq muloqot mamlakatimiz biznes muhitini rivojlantirishda yuksak strategik ahamiyatga egadir.

Tadbirkorlar 1100 yoki 1094 qisqa raqamlariga qo‘ng‘iroq qilib yoki @ochiqmuloqot2026_bot orqali murojaat qilishlari mumkin!

OCHIQ MULOQOT 2026

Тошкент шаҳрида ичимлик суви тармоғига ўзбошимчалик билан уланиш ҳолати фош этилди
 
Бош прокуратура ҳузуридаги Департаментнинг Тошкент шаҳри бошқармаси томонидан ўтказилган терговга қадар текширувда “G.B” МЧЖ масъул шахслари Шайхонтоҳур тумани, “Белтепа” МФЙ ҳудудидаги бинода умумий фойдаланишдаги ичимлик суви тармоғига тижорат мақсадида ўзбошимчалик билан уланиб, 3,2 млрд сўмлик ичимлик сувидан ноқонуний фойдаланганликлари аниқланган.
 
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Nurafshondagi Ijtimoiy himoya majmuasi Prezidentimizga taqdimot qilindi.
—
Деятельность Комплекса социальной защиты в Нурафшане представлена Президенту нашей страны.

Prezident.uz|Facebook*|Instagram*|YouTube|X

Davlatimiz rahbari O‘rta Chirchiq tumanidagi yangi yo‘l o‘tkazgichni ko‘zdan kechirdi.
—
Глава нашего государства осмотрел новый путепровод в Уртачирчикском районе.

Prezident.uz|Facebook*|Instagram*|YouTube|X

Prezidentimiz Toshkent – Samarqand yoʻnalishidagi pullik muqobil avtomobil yoʻli qurilishini boshlab berdi.
—
Президент нашей страны дал старт строительству платной альтернативной автомобильной дороги Ташкент – Самарканд.

Prezident.uz|Facebook*|Instagram*|YouTube|X

Хоразм, Сирдарё ва Сурхондарё вилоятларида электр энергиясидан ноқонуний фойдаланиш ҳолатлари фош этилди 

Бош прокуратура ҳузуридаги Департаментнинг Боғот тумани бўлими томонидан ўтказилган терговга қадар текширувда фуқаро Б.Б. “Ал-Беруний” МФЙ ҳудудидаги кўчма савдо дўконида умумий фойдаланишдаги электр тармоғига ўзбошимчалик билан уланиб, 282,2 млн сўмлик электр энергиясидан ноқонуний фойдаланганлиги аниқланган.

Департаментнинг Гулистон шаҳри бўлими томонидан ўтказилган терговга қадар текширувларда “N.A.” фермер хўжалиги масъул шахслари “Шоликор” СИУ ҳудудидаги ер майдонида сув насосларидан фойдаланишда электр ҳисоблагичга ташқи таъсир кўрсатиб, 194,7 млн сўмлик электр энергиясидан ноқонуний фойдаланганликлари аниқланган.

Департаментнинг Термиз тумани бўлими томонидан  ўтказилган терговга қадар текширувда фуқаро Т.М. “Нурафшон” МФЙ ҳудудидаги хонадонида умумий фойдаланишдаги электр энергиясига ўзбошимчалик билан тўғридан-тўғри уланиб, 129,3 млн сўмлик электр энергиясидан ноқонуний фойдаланганлиги аниқланган.

Мазкур ҳолатлар юзасида Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Қашқадарё вилоятида электр энергиясидан ноқонуний фойдаланганлик ҳолати бўйича далолатнома расмийлаштирмасликни ваъда қилган электромонтёр ушланди 

Бош прокуратура ҳузуридаги Департаментнинг Нишон тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда Нишон тумани ЭТК электромонтёри А.И. хизмат мавқеидан фойдаланиб, 4 млн сўм эвазига фуқаро Ш.Х.нинг хонадонида электр энергиясидан ноқонуний фойдаланганлик ҳолати бўйича далолатнома расмийлаштирмасликни ваъда қилиб, олдиндан 1,5 млн сўмини қўлга киритиб, қолган 2,5 млн сўмини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Бухоро вилоятида фуқаронинг номига кредит расмийлаштириб олиб ўзлаштирган банк филиали раҳбари аниқланди 

Бош прокуратура ҳузуридаги Департаментнинг Бухоро вилояти бошқармаси томонидан ўтказилган терговга қадар текширувда тижорат банкларидан бирининг Ромитан филиали собиқ раҳбари А.Ҳ., банк менежери Ф.С. ва тумандаги маҳаллалардан бирида собиқ ҳоким ёрдамчиси вазифасини вақтинча бажарувчи С.Х.лар ўзаро тил бириктириб, фуқаро Ҳ.А.нинг хабардорлигисиз унинг номига 32,9 млн сўм кредит маблағи ажратиб, гўёки уч ғилдиракли мотоцикл хариди учун ЯТТ “С.Г.”нинг ҳисоб-рақамига пул кўчириб, нақдлаштириб олиш йўли билан ўзлаштирганликлари аниқланган.

Бундан ташқари, фуқаро Ҳ.А.дан 35,9 млн сўмлик кредит қарздорлигини ундириш ҳақидаги суд буйруғи асосида МИБ туман бўлими томонидан ижро иши қўзғатилганлигидан хабар топган банк собиқ бошқарувчиси А.Ҳ. ўзининг жиноий ҳаракатларини яшириш мақсадида тўланмаган кредит қарздорликни гўёки тўлиқ ундирилганлиги ҳақидаги сохта хатни МИБ туман бўлимига тақдим қилиб, ижро иши юритишни тамомланишига эришган.

Мазкур ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Тошкент шаҳрида 1,4 млрд сўм маблағлар “Keshbek” сифатида талон-торож қилинганлиги фош этилди
 
Бош прокуратура ҳузуридаги Департаментнинг Мирзо Улуғбек тумани бўлими ва Солиқ қўмитаси ходимлари ҳамкорлигида ўтказилган терговга қадар текширувда “E.P.”, “M.M.” ва “E.S.” МЧЖлар масъул шахслари ўзаро тил бириктириб, гўёки 322,4 млрд сўмлик маҳсулотлар етказиб берилганлиги ҳақида сохта маълумотлар расмийлаштириб, савдодан тушган пулларни назорат касса машиналари орқали кирим қилиб, фуқароларга сотганлиги ҳақида 3 363 дона харид чекларини чиқариб, ижтимоий ҳимоя реестрига киритилган фуқароларга “Soliq Mobile” иловаси орқали “Keshbek” сифатида тўлаб бериб, 1,4 млрд сўм бюджет маблағларини талон-торож қилганликлари аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Сохта прокурор ушланди!

2007 йилда туғилган К.Х. онасига тегишли “Cobalt” русумли давлат рақами 10 W 284 LB бўлган автомашинани бошқариб юрган вақтда, ўзини гўёки Тошкент вилояти Қибрай тумани прокуратурасининг ходими эканлигини айтиб, ўзидаги сохта гувоҳномани кўрсатиб юрганлиги тўғрисида тезкор маълумотлар олинган.

Бош прокуратура Шахсий хавфсизлик бошқармаси ва ИИБ ЙҲҲБ ходимлари билан 2026 йил 12 июль куни Қибрай тумани “Ғ.Ғулом” МФЙ ҳудудида рейд тадбирлари ўтказилаётган вақтда фуқаро К.Х. “Cobalt” русумли давлат рақами 10 W 284 LB бўлган автомашинани бошқариб келаётганида тўхтатилган.

Фуқаро К.Х. ИИБ ЙҲХБ ходимлари қонуний чора кўрмаслиги учун ўзини гўёки Қибрай тумани прокуратурасининг ходими эканлигини айтиб, ўзидаги сохта гувоҳномани кўрсатиб, жавобгарликдан қочмоқчи бўлган. К.Х.га маъмурий баённома расмийлаштирилиб, автомашина жарима майдончасига жойлаштирилган.

Автомашина назорат тартибида кўздан кечирилган вақтда автомашина ўриндиғидан “25 C 836 AA” бўлган давлат рақам белгиси аниқланган. Ҳодиса жойига тезкор-тергов гуруҳи чақирилиб, фуқаро К.Х.дан бир дона гувоҳнома, бир жуфт давлат рақам белгиси олиб қўйилган.

Мазкур ҳолат юзасидан 2026 йил 13 июлда Жиноят кодексининг 228-моддаси 2-қисми “б” банди ва 228-моддаси 3-қисми билан жиноят иши қўзғатилиб, тергов ҳаракатлари олиб борилмоқда.

Ҳурматли фуқаролар!
 
Ўзини турли давлат органлари ходими сифатида таништириб хизматлар эвазига пул талаб қилувчи шахсларга ишонманг.
 
Кундалик ҳаётда шу каби қонунбузилиш ҳолатларига дуч келсангиз Бош прокуратуранинг “1161” рақамли “Ишонч телефони”га қўнғироқ қилиб, хабар беринг.
 
Шахсингизнинг сир сақланиши кафолатланади.
 
🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram* | YouTube | Facebook* | Veb-sayt

Ўзини ходим деб таништирган фирибгар фош этилди

Бош прокуратура ҳузуридаги Департаментнинг Шахсий хавфсизлик бошқармаси томонидан ўтказилган терговга қадар текширувда фуқаро Ш.Н. фуқаро С.Н.га ўзини Департамент ходими деб таништириб, фуқаро Н.Ш.дан муқаддам тезкор тадбирда ашёвий далил сифатида олинган умумий баҳоси 462,9 млн сўмлик 292 дона заргарлик буюмларини қайтариб олиб бериши ва Н.Ш.ни жиноий жавобгарликдан озод қилиб бериши эвазига 2 500 АҚШ долларини фирибгарлик йўли билан қўлга киритганлиги аниқланган.

Шунингдек, Ш.Н. Гулистон шаҳридаги умумий овқатланиш шохобчаларидан бирида 337 минг сўмлик тўловларни тўламаслик мақсадида ўзини Департаментнинг Гулистон шаҳри бўлими бошлиғи деб таништириб, умумий овқатланиш шохобчасининг фаолияти юзасидан текширув ўтказиб, ёптириб юбориш билан таҳдид қилганлиги аниқланиб, текширувда Ш.Н. томонидан 2 500 АҚШ доллари ва 337 минг сўм ҳисобидан 1,2 млн сўмнинг қайтарилиши процессуал тартибда расмийлаштирилган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Тошкент шаҳрида тамаки маҳсулотларининг ноқонуний савдоси билан шуғулланиб келган шахслар ушланди

Бош прокуратура ҳузуридаги Департаментнинг Тошкент шаҳри бошқармаси ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда тамаки маҳсулотларининг ноқонуний савдоси билан шуғулланиб келган фуқаро Р.Х. (муқаддам судланган) Миробод тумани, “Баёт” МФЙ ҳудудидаги хонадонда умумий баҳоси 261,6 млн сўмлик 15 турдаги 11 675 қути акциз маркасиз тамаки маҳсулотларини сотиш мақсадида сақлаб келаётганлиги аниқланиб, ушбу маҳсулотлар ашёвий далил сифатида олинган.

Департаментнинг Шайхонтоҳур тумани бўлими томонидан ўтказилган терговга қадар текширувда тамаки маҳсулотларининг ноқонуний савдоси билан шуғулланиб келган фуқаро М.Т. "Лабзак" МФЙ ҳудудидаги хонадонида умумий баҳоси 297,4 млн сўмлик 70 турдаги 10 567 қути акциз маркасиз тамаки маҳсулотларини ўтказиш мақсадида сақлаб келаётганлиги аниқланиб, ушбу маҳсулотлар ашёвий далил сифатида олинган.

Департаментининг Сергели тумани бўлими ва бошқа ҳуқуқни муҳофаза қилувчи орган ходимлари ҳамкорлигида “Деҳқон бозори” ҳудудида ўтказилган тезкор тадбирда тамаки маҳсулотларининг ноқонуний савдоси билан шуғулланиб келган фуқаро Г.Д. 2 қути акциз маркасиз тамаки маҳсулотини сотган вақтида ушланиб, ундан умумий баҳоси 48 млн сўмлик 1 064 қути акциз маркасиз тамаки маҳсулотлари ашёвий далил сифатида олинган.

Мазкур ҳолатлар юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Жиззах вилоятида 1,9 млрд сўм маблағлар “Keshbek” сифатида талон-торож қилинганлиги фош этилди 

Бош прокуратура ҳузуридаги Департаментнинг Жиззах вилояти бошқармаси томонидан ўтказилган терговга қадар текширувда фуқаролар Р.А., Т.Ш. ҳамда “B.R.” ва “А.А.” МЧЖ масъул шахслари ўзаро тил бириктириб, гўёки 16,6 млрд сўмлик маҳсулотлар етказиб берилганлиги ҳақида сохта маълумотлар расмийлаштириб, гўёки савдодан тушган пулларни назорат касса машиналари орқали кирим қилиб, фуқароларга сотилганлиги ҳақида 3 106 дона харид чекларини чиқариб, ижтимоий ҳимоя реестрига киритилган фуқароларга “Soliq Mobile” иловаси орқали “Keshbek” сифатида тўлаб бериб, 1,9 млрд сўм бюджет маблағларини ўзлаштириш ва растрата қилиш йўли билан талон-торож қилганликлари аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Корея давлатига ишга юбориш билан боғлиқ фирибгарлик ҳолати фош этилди 

Бош прокуратура ҳузуридаги Департаментнинг Когон шаҳри бўлими томонидан ўтказилган терговга қадар текширувда фуқаро З.И. фуқаро Ш.И.нинг ишончига кириб, уни 8 000 АҚШ доллари эвазига гўёки юқори лавозимларда ишловчи танишлари орқали Корея давлатига ишга юборишини айтиб, келишилган пулдан 1 000 АҚШ долларини фирибгарлик йўли билан қўлга киритганлиги аниқланиб, ушбу пуллар ҳисобидан 200 АҚШ долларининг қайтарилиши процессуал тартибда расмийлаштирилган.

Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

👉@Department_uz

Наманган вилоятида тамаки маҳсулотларининг ноқонуний савдоси билан шуғулланиб келган шахс фош этилди

Бош прокуратура ҳузуридаги Департаментнинг Учқўрғон тумани бўлими томонидан ўтказилган тезкор тадбирда тамаки маҳсулотларининг ноқонуний савдоси билан шуғулланиб келган фуқаро М.Т. “Обод” МФЙ ҳудудидаги хонадонида умумий баҳоси 130,6 млн сўмлик 9 333 қути акциз маркасиз тамаки маҳсулотларини сотиш мақсадида сақлаб келганлиги аниқланиб, ушбу маҳсулотлар ашёвий далил сифатида олинган.

Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Сирдарё, Жиззах вилоятлари ва Тошкент шаҳрида табиий газдан ноқонуний фойдаланиш ҳолатлари фош этилди

Бош прокуратура ҳузуридаги Департаментнинг Сирдарё тумани бўлими томонидан ўтказилган терговга қадар текширувда ЯТТ “Ш.Т.” Тараққиёт МФЙ ҳудудидаги хонадонида табиий газ тармоғига тижорат мақсадида ўзбошимчалик билан яширин йўл билан резина шланг орқали табиий газ тармоғига тўғридан-тўғри уланиб, 366,4 млн сўмлик табиий газдан ноқонуний фойдаланганлиги аниқланган.

Департаментнинг Пахтакор тумани бўлими томонидан ўтказилган терговга қадар текширувларда фуқаролар А.Э. ва А.Э. “Боғишамол” МФЙ ҳудудидаги хонадонларида табиий газ тармоғига ўзбошимчалик билан уланиб, жами 133,6 млн сўмлик табиий газдан ноқонуний фойдаланганликлари аниқланган.

Департаментининг Олмазор тумани бўлими томонидан ўтказилган терговга қадар текширувда фуқаро М.Х. “Бунёдкор” МФЙ ҳудудидаги хонадонда умумий фойдаланишдаги табиий газ тармоғига ўзбошимчалик билан тўғридан-тўғри уланиб, 129,8 млн сўмлик табиий газдан ноқонуний фойдаланганлиги аниқланган.

Департаментнинг Бахмал тумани бўлими томонидан ўтказилган терговга қадар текширувда туман қишлоқ хўжалиги бўлими масъул шахслари иситиш қозонини табиий газ тармоғига ўзбошимчалик билан улаб, 103,5 млн сўмлик табиий газдан ноқонуний фойдаланганликлари аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

👉@Department_uz