ዳሸን ባንክ ከባቡል ኸይር በጎ አድራጎት ድርጅት ጋር በመተባበር በድርጅቱ የኢፍጧር መርሃ-ግብር አዘጋጀ

የዳሸን ባንክ ከወለድ ነጻ የባንክ አገልግሎት "ሸሪክ" በባቡል ኸይር በጎ አድራጎት ድርጅት የኢፍጣር መርሃ-ግብር አዘጋጅቷል።

በመርሃ-ግብሩ ላይ የባንኩ የስራ ኃላፊዎች ዳሸን ባንክ ሸሪክ በታላቁ የረመዳን ወር ተቋሙ ድረስ የመጣው  አጋርነቱን ለማሳየት እንደሆነ ገልጸው ፤ ባንኩ በቀጣይም  ማህበራዊ ኃላፊነቱን ለመወጣት ይሰራል ብለዋል።

የባቡል ኸይር የበጎ አድራጎት ድርጅት መስራችና ስራ አስኪያጅ ወ/ሮ ሐናን አህመድ በበኩላቸው  ድርጅቱ በረመዳን ወር ብቻ 7 ሺህ የሚደርሱ አቅመ ደካሞችን እያስፈጠረ እንደሚገኝ ተናግረዋል።

ባቡል ኸይር በርካታ አቅመ ደካማ እናቶችን፣ ህጻናትና ሴቶችን ከምገባ ጀምሮ ፣ የሙያ ክህሎት እንዲኖራቸው እና ራሳቸውን እንዲችሉ እየሰራ ነው ብለዋል። በተጨማሪም አቅመ ደካሞች የህክምና አገልግሎት እንዲያገኙ እየሰራ እንደሆነም ገልጸዋል።

በበጎ አድርጎት ድርጅቱ በቋሚነት የሚደገፉ የአቅመ ደካሞች ቁጥር  ከ5ሺ በላይ እንደሆኑም ተናግረዋል።