Мікалай Казлоў прызначаны на пасаду прадстаўніка па аднаўленні правапарадку Аб’яднанага Пераходнага Кабінета Беларусі

Святлана Ціханоўская прызначыла Мікалая Казлова на пасаду прадстаўніка па аднаўленні правапарадку Аб’яднанага Пераходнага Кабінета Беларусі. Рашэнне прынята на падставе рэкамендацый Каардынацыйнай рады, у адпаведнасці з працэдурай.

Каардынацыйная рада 11 сакавіка заслухала Мікалая Казлова і па выніках галасавання 12 сакавіка рэкамендавала яго да прызначэння.

Нагадаем, што 31 студзеня 2026 года кіраўніца АПК накіравала ў Раду прапанову па кандыдаце на пасаду прадстаўніка па аднаўленні правапарадку.

«Лічу, што ягоны багаты прафесійны досвед у галіне правааховы і ў грамадска-палітычнай дзейнасці, аўтарытэт сярод профільных арганізацый, а таксама асабістыя якасці дазволяць яму эфектыўна выконваць абавязкі на гэтай пасадзе», — пісала Святлана Ціханоўская пра Мікалая Казлова ў лісце ў Каардынацыйную раду.

Падрабязная інфармацыя пра Мікалая Казлова — па спасылцы тут.

@CabinetBelarus