Islohotlar shtabi: Namanganda muammolar o‘rganilmoqda, yechimlar ishlab chiqilmoqda

Namanganda Islohotlar shtabi tomonidan infratuzilmani yaxshilash, elektr va gaz ta’minoti holatini chuqur tahlil qilish, mavjud muammolarni aniqlash va ularni tizimli bartaraf etish orqali iste’molchilarga ko‘rsatilayotgan xizmatlar sifatini yanada oshirish, aholi bandligini ta’minlash va hududlarda tadbirkorlikni rivojlantirish bo‘yicha o‘rganishlar olib borilmoqda.

Xususan, Namangan shahridagi muzlatgich xizmatlarini ko‘rsatuvchi “Ezoz Broller” MChJ, “Afrikanskiy som” balig‘ini yetishtirish “Namangan Agro Fish Trade” MChJ, temir va yog‘och mahsulotlariga ishlov berish xizmatlarini ko‘rsatuvchi “BMJ” MChJ, oyna kesish xizmatlarini ko‘rsatuvchi YATT, Uchqo‘rg‘on tumanida gidroponika usulida qulupnay yetishtirish bilan shug‘ullanuvchi Xusainov Faxriddinning faoliyati bilan tanishildi.

Ishchi guruhi o‘rganishlari natijasi bo‘yicha hududni rivojlantirish, infratuzilmani yaxshilash, aholi bandligini ta‘minlash, hududda amalga oshirilayotgan investitsiya loyihalari uchun mavjud ehtiyoj asosida  malakali mutaxassis kadrlarni tayyorlash, tadbirkorlarni qo‘llab-quvvatlashga qaratilgan takliflar tayyorlanadi.

Ishchi guruhi o‘rganishlari davom etmoqda.

Rasmiy sahifalarimiz
Veb-sayt|Telegram|Facebook*|Instagram*|You Tube|X|in|Aloqa