“Босим йўқ” дейишга эҳтиёж нега туғилади?

Бухоро вилоятида Алишер Усманов бошчилигида суд масалалари юзасидан сайёр қабул ўтказилаётгани албатта, ижобий қадам. Халқ дардини жойига бориб эшитиш адолатга яқинлашиш дегани.

Лавҳада судларга ҳеч қандай босим йўқлиги юқори даражада таъкидланмоқда.

Аммо савол туғилади. Агар ҳақиқатан босим бўлмаса, уни алоҳида таъкидлашга эҳтиёж борми? ..

Яна бир нарса, босим фақат ташқи омиллардан иборат эмас. Унинг яна бир кўриниши бор, ички босим.

Бу судьяларнинг ортиқча иш юкламаси, ишлар адолатли тақсимланмаслиги, ҳар бир ишни сифатли кўриб чиқишга вақт етишмаслиги.

Одил судлов фақат қарор натижаси билан эмас, балки уни қабул қилиш шароити билан ҳам баҳоланади.

Шу нуқтаи назардан, сайёр қабуллар доирасида нафақат мурожаатлар, балки тизимнинг ўзидаги муаммолар ҳам очиқ муҳокама қилиниши керак. Хусусан, судьялар ўртасида иш юкламасини адолатли тақсимлаш, кадрлар етишмовчилигини бартараф этиш каби масалаларга ҳам эътибор қаратиш керак, назаримизда.

@Advokat_Abdullayev