Қизил чироқ арзон, “тонировка” қиммат: бу адолатми?

Йўлда бир ҳайдовчи қизил чироқни босиб ўтади. Бошқаси эса машина ойнасини рухсатсиз қорайтиради.

Қонун нима дейди?

�� Қизил чироқ — 3 БҲМ
�� Нотўғри “тонировка” — 25 БҲМ

Савол туғилади: қайси бири хавфлироқ?

Қизил чироқни бузиш - бу тўғридан-тўғри инсон ҳаётига таҳдид. Бир лаҳзали беэътиборлик ҳалокатга олиб келиши мумкин.

“Тонировка”-чи? У - тартиб ва назорат масаласи. Ҳа, муҳим. Лекин ҳаёт учун хавф даражаси бир хилми?

Қонуннинг вазифаси жазолаш эмас, адолатни таъминлаш. Агар хавф юқори бўлган қоидабузарлик арзон, камроқ хавфлиси эса қиммат баҳоланса, бу жамиятга қандай сигнал беради?

Жарима сиёсати қайта кўриб чиқилиши керак, деб бежизга айтмаяпмиз. Инсон ҳаётига реал таҳдид солувчи ҳаракатлар устувор баҳоланиши шарт. Акс ҳолда, биз қоидаларни эмас, фақат рақамларни ҳимоя қилаётган бўламиз.

@Advokat_Abdullayev