ФРАКЦИЯ ЖҰМЫСЫ: АЛЕКСАНДР ДАНИЛОВ ҚОСТАНАЙЛЫҚ ДЕПУТАТТАРМЕН КЕЗДЕСТІ

«AMANAT» партиясының Хатшысы Александр Данилов Қостанай облысында фракция мүшелерімен кездесті. Жиында сайлауалды бағдарламаның орындалуы және өңірдегі өзекті мәселелер талқыланды.

2023–2025 жылдарға арналған Жол картасының 96%-ы орындалған. Депутаттар бастамасымен медициналық мекемелердің 728,8 млн теңге берешегі өтеліп, Қостанай әуежайына арнайы амбулифт алынды.

«Жарқын ауыл» жобасы аясында 600 млн теңгеден астам қаржыға ауыл тұрғындары үшін жаңа үйлер салынды.

Александр Данилов фракция жұмысы нақты нәтижеге бағытталуы тиіс екенін атап өтті. Халық депутаттардың қызметін атқарылған істер арқылы бағалайды.